Hileko artxiboa: ekaina 2012

TOKIKOM proposamen irekia. Dokumentu hau hainbat laguni eskatutako ekarpenekin osatuta dago, eta TOKIKOMen zeregina eta izaera definitzen hasteko proposamen irekia izan nahi du, honen inguruan adosten ditugun puntuen inguruan garatuko du TOKIKOMek bere lana datozen urteotan.

Sektore bizi-bizia da hedabideena, gaur egun sekula baino biziagoa: mundu mailan, informazioaren teknologia berriek goitik behera aldatu dituzte informazioa jaso, zabaldu eta kontsumitzeko modua. Gutako bakoitza berriemale potentzial izateko aukera esku-eskura dugun sasoi honetan, hedabideek gero eta beharrezkoagoa dute beren burua birdefinitzea. Etengabe aldatzen ari den testuinguru berri honetan, zein da hedabideok hizkuntz komunitatearekiko dugun …