ErakundeakArtxiboa

Eusko Jaurlaritzak eta EAEko hiru Foru Aldundiek euskarazko hedabideak diruz laguntzeko hitzarmen markoa berretsi dute gaur, Bilbon, Euskadiko Artxibo Historikoan egindako ekitaldi ofizial batean. TOKIKOMeko zuzendari Alaitz Artolazabalen esanetan, “zifretatik haratago, azpimarratzekoa da erakundeak eta hedabideak elkarrekin lan mahai bateratua osatu eta langaiak bertan adosteko egindako ibilbide emankorra”.

Bizkaiko Foru Aldundiaren 'Bizkaia Aurrera Kultura Bonuak' Bizkaiko toki komunikabideen harpidetzak egiteko ere erabili ahal izango dira. 15 euro ordainduta, 40 euroko gastua egiteko aukera ematen dute bonuok.

Nafarroako Gobernuak euskarazko hedabideentzako diru-laguntza deialdia argitaratu du. 780.000 euro bideratuko ditu laguntza hauetara, eta eskaerak egiteko epea 30 egunekoa da.

Bizkaiko Foru Aldundiak 900.000 euroko diru-laguntzak bideratuko ditu euskara hutsezko komunikabideen jarduna babesteko.