Urteurreneko argitalpen digitala Ttap aldizkariaren bidez eskuratu daiteke
Zumaiako BALEIKE aldizkariak bere 25. urteurrena ospatu nahi du, eta horretarako erakusketa berezi bat prestatu du. Erakusketan, aldizkariaren ibilbidean garrantzia izan duten 12 lagunen argazkiak eta elkarrizketak ikus daitezke.
Elkarrizketok formatu berezi samarrean jasota daude: aretoan argazki handiak jartzeaz gain, elkarrizketak Ttap aldizkari digitalaren bidez ikusi eta entzun daitezke, norbere telefonoan edo aretoan dauden tableten bidez.
Erakusketa Zumaiako Oxford aretoan izango da, ekainaren 23ra arte. Zorionak, Baleike, eta urte askotarako!
